ଧାନ ବନ୍ଧା

ଯାଇଥିଲି ଧାନ ବାନ୍ଧି

ଘଣ୍ଟେ ମୋଡି ମାଡି ବାନ୍ଧିଲି ଧାନ ମୁଁ

କମର ଗଲା ମୋ ବିନ୍ଧି

ବସିଲି ହିଡର ମୂଳ

ଥକି ଯାଇଥିଲି ଧାନ ବାନ୍ଧି ବାନ୍ଧି

ଚାଲିବାକୁ ନାହିଁ ବଳ

ବାନ୍ଧିଲି ମନର ବଳ

ଛିଡା ହେଇ ଟିକେ ଭାବିଲି ମୁହିଁ ଯେ

ବର୍ଷା ହେବ ଆମ କାଳ

ଆକାଶରେ ମେଘ ଦେଖି

କମରରେ ଗୋଟେ ଗାମୁଛା ବାନ୍ଧି ମୁଁ

ହେଲି ମୁହିଁ ଆଖି ମଳି

ଚାରିଆଡ଼କୁ ଅନାଇଲି

ଲୋକମାନେ ସବୁ ଭିଡା ଭିଡି ହୋଇ

କରୁଛନ୍ତି ବିଲ ଖାଲି

ଆତୁର ହେଲା ମୋ ମନ

ଅଳସୁଆହୋଇ ବସେ ଯଦି ମୁହିଁ

ରହି ଯିବ ଆମ ଧାନ

ମନକୁ ମୋ ଦୃଢ଼ କଲି

ଝାଡ଼ି ଝୁଡ଼ି ହୋଇ କାମରେ ଲାଗିଲି

ଘୃଣା ଭାବ ଛାଡି ଦେଲି

ଧାନ ବିଲକାମ କଷ୍ଟ

ଧର୍ଯ୍ୟ ଧରି ବନ୍ଧୁ କରିଗଲେ କାମ

ହେବାକୁ ଦେବାନି ନଷ୍ଟ

ବରଷକ ପାଇଁ ଦାନା

ଚାଷରୁ ମିଳଇ ଯତନେ କରିଲେ

ଚାଷୀ ପିଲାଟିରଏ କାମନା

କୌଣସି ବି ଚାଷ ହେଉ

ମନ ଯୋଗ ଦେଇ କରିଗଲେ କାମ

କିଣିବାକୁ ପଡିବନି ଆଉ

ଚାକିରିଠୁ ବଡ ଚାଷ

ନିଜ ଅଧୀନରେ ହୋଇ ଥାଏ କାମ

ହବାକୁ ପଡେନି ଦାଶ