ଚିତଉ ଚିନ୍ତନ

ଭୂ ଦେବୀ ପୂଜିଲି

     ତଳି ହିଡ଼େ ରହି

ଚିତଉ ପିଠାକୁ ଦେଇ ।

ପ୍ରସନ୍ନ ଚିତ୍ତରେ 

    ଶସ୍ଯ ଦେବେ ଭରି 

ଏ କଥା ମନରେ ନେଇ । ୧।

ଇନ୍ଦ୍ରଦେବ ଦେବେ

  ଆଶୀର୍ବାଦ ସ୍ୱର୍ଗୁଁ

ଭରିଵ ସଭିଙ୍କ କ୍ଷେତ ।

ସର୍ବେ ଖୁସି ହେବେ

  ଶ୍ୟାମ କ୍ଷେତ ସାଥେ 

ଘେନ ମୋ ଚିତଉ ଈଶ ।୨।

ହିଂସ୍ର ଜନ୍ତୁ ମୁଖୁ 

  ରଖିବ ମୋ କ୍ଷେତ

ଜଗତର ପଡ଼ିଦାତ୍ରୀ ।

ଚିତଉକୁ ଖାଇ 

  ଚିତା ଲାଗି ହେବେ 

ମଥାରେ ଜଗତ ପତି ।୩।

କୋଇଲିକୁ ଦେଇ 

  ଆସିବୁ କହିଲି

ଆମ୍ବ ବଉଳର ମାସେ ।

ସଂକୁଳି କହିବୁ 

  ଆମ ମନ କଥା 

ଶାଶୁ ଶ୍ଵଶୁରଙ୍କ ପାଶେ ।୪।

ମନେ ପଡୁଥିବ 

  ତୋର କଣ୍ଠ ସ୍ୱର 

ଚୂତ ତରୁ ଶାଖା ମାଳ ।

ବାର ମାସେ ତେର 

  ପରଵକୁ ପାଳି 

ଧନ୍ୟ ହୁଏ ଏ ଉତ୍କଳ ।୫।

    *****