"ବିରହାଗ୍ନି"

"ବିରହାଗ୍ନି"

କେମିତି କହିବି ତୁମକୁ ଗୋ ସାଥି

ତୁମେ ମୋ ପହିଲି ପ୍ରୀତି,

ତୁମ ବିନା ଏହି ଅଲୋଡା ଜୀବନ

କାଳ ବଇଶାଖ ତାତି....

ମନତଳେ କେତେ ଅକୁହା ବେଦନା

ଦୁକୁ ଦୁକୁ ହୋଇ ଜଳେ ,

ଶୁଖିଲା ଓଠମୋ ନିତି ବତୁରୁଛୁ

ନୟନ ତପତ ଜଳେ..

ମନ ବାନ୍ଧିହୁଏ କର୍ମ ଶିକୁଳିରେ

ହୃଦଭୋଗେ କାରାବାସ,

ମୋ ପ୍ରେମ କାହାଣୀ ବିରହ ନିଆଁରେ

ଦେଉଛି ଆଜିସେ ଝାସ..

ଭୁଲିବାକୁ ଆଜି ତୁମକୁ ସାଥି ମୁଁ

ଅଭିନୟ ଯେତେ କରେ,

ଏ ପୋଡା ମନଟା ଅଭୁଝା ହୋଇଣ

ନିରବେ ତୁମକୁ ଝୁରେ...

କୁହ ପ୍ରିୟା ତୁମେ କେମିତି ଜିଇବି

ତୁମବିନା ଆଜି ମୁହିଁ,

ନିତି ଜଳି ଜଳି ବଞ୍ଚିବା ଅପକ୍ଷା

ଜଳି ଯାଉ ମୋର ଜୁଇ....

ପ୍ରଭାତ କୁମାର ନାୟକ

ମଧୁପରୁ ,ଭଦ୍ରକ ,ଓଡିଶା