ବିଭାଘର ସ୍ୱୀକାର ପତର
ବିଭାଘର ସ୍ୱୀକାର ପତର
ମୁଁ ପଠନ କରିଛି ଯେ ଗୀତା ପଢାଇଲେ ଭଣ୍ଡ ଓ
ଠକକୁ ଫେରେନି ଆଦର୍ଶ ଓ ଭଲ ବାଟକୁ
ଅକର୍ମା ସାଜେନି ଚାବି ପକାଇ ନିବୁଜ କୋଠରୀରେ
ରଖିଦେଲେ ଜଣେ କର୍ମଠ ଲୋକକୁ |୧|
ଲେଖୁଛି ଅଧିକାଂଶ ଲୋକାଚାର ସତକଥାର ମହାନତା
ଆମ ଧରମର ଅନେକ ପ୍ରଥାକୁ
ଟିଭି ମୋବାଇଲ ଯୁଗରେ ଆମରି ଶିକ୍ଷିତ ପରିବାର
ଏବେ ପାଶୋରି ଦେଲେଣି ଯାହାକୁ |୨|
ଝିଅ ବିଭା ଲାଗି କନିଆଁ ଘର ଲୋକେ ବର ଘରକୁ
ଥାନ୍ତି ସ୍ୱୀକାର ପତର ପଠେଇ
ତାହା ଉଦ୍ଦିଷ୍ଟ ବର ବାରଯାତ୍ରୀ ବନ୍ଧୁ ବାନ୍ଧବଙ୍କ ସହ
ପାଟ ପଟୁଆରରେ ଆସିବା ପାଇଁ |୩|
ନିମନ୍ତ୍ରଣର ଜବାବେ ବରଘର ଲୋକେ କନିଆଁ ଘରକୁ
ସନମତି ସଜରେ ମାନିଲେ ଦିଅନ୍ତି ଜଣେଇ
ଏହାପରେ କନିଆଁ ଘର ଲୋକେ ସେମାନଙ୍କୁ ଆସିବାକୁ
ଅନୁମତିରେ ବାହା ରୋଷଣି ଆରମ୍ଭ ହୁଅଇ |୪|
କନିଆଁଘର ସଜରେ ଥାଏ ଝିଅ ପାଇଁ ସୁନା ଗହଣା ଓ
ନିତିଦିନିଆ ଜିନିଷ ବେଭାର
ଅଳତା ସିନ୍ଦୂର କଳା ପାଉଡର ସାବୁନ ନଖ ପାଲିସି ଅଇନା
ପାନିଆ ଶାଢୀ ଶାୟା ଶଙ୍ଖା ଅତର |୫|
ସବୁଠୁ ପ୍ରଧାନ ଜିନିଷ ହେଲା ସନମତି ପତର ଓ ତା
ବିନା ସନମତିର ମହତ କିଛି ତ ନଥାଏ
ବରଘର ଅବଧାନେ ଲେଖନୀ ମୁନରେ ତାଳ ପତର
ଉପରେ ତାହା ତ ଲେଖି ଥାଏ |୬|
ବାକ୍ସରେ ରଖା ହବା ଆଗରୁ ସେଇଟିକୁ ପାଞ୍ଚ ଲୋକଙ୍କ
ଆଗରେ ପଢି ଶୁଣେଇ ଦିଆଯାଏ
ସନମତି ବାକ୍ସ ସଜ ପରେ ତହିଁରେ ତାଲା ଚାବି ଲଗେଇ
କନିଆଁର ଗାଧୁଆ ସଜ ବାକ୍ସ ସହ ରଖାଯାଏ |୭|
ଏକ ଶିଶୁ ବର ସହିତ ଥିଲେ ଶିଶୁହତ୍ୟା ପାପ ଡରରେ
ବର ଓପରେ କେହି ଚଢଉ କରିବେ ନାଇଁ
ବର ସହିତ ଜଣେ ଛୋଟ ପୁଅକୁ ପଠେଇବା ପରମ୍ପରାକୁ
ମାର୍କୁଣ୍ଡି ପରମ୍ପରା ବୋଲି କହୁଥାଇ |୮|
ପୁଅଠାରୁ କନକ ଆଞ୍ଜୁଳି ନେଇ ସବୁ ବୋଉମାନେ ବରକୁ
ରୋଷଣିକୁ ଛାଡନ୍ତି
ଶଙ୍ଖ ବାଜା ଆଉ ହୁଳୁହୁଳି ଭିତରେ ବର ଚାଉଳ ଆଞ୍ଜୁଳିକୁ
ପାନିକି ଭିତରେ ଓଜାଡି ପାନିକିରେ ବସନ୍ତି |୯|
ବର ଆଉ ମାର୍କୁଣ୍ଡି ପାନିକି ଭିତରେ ବସିଲାକ୍ଷଣି ବେହେରା
ମାନେ ପାନିକି କାନ୍ଧେଇଥାନ୍ତି
ଆଗରେ ତିନି ପଛରେ ତିନି ଇମିତି ଛ’ ଜଣ ବେହେରା
ପାନିକିକୁ ରୋଷଣି ପଡିଆ ଯାଏ ବୋହିନିଅନ୍ତି |୧୦|