ଭୁଲ୍ ଠିକଣା

ଜୀବନର ଅଙ୍କା ବଙ୍କା 

ଅନ୍ଧାରୀ ରାସ୍ତାରେ

ତୁମକୁ ମୁଁ ଖୋଜୁ ଥିଲି 

ଭୁଲ୍ ଠିକଣା ରେ ।(୧)

ଜାଣି ମୁଁ ନଥିଲି ତୁମେ

 ଅଛ ମୋ ଭିତରେ

ମୋ ସୁଖ,ଦୁଃଖରେ ଆଉ 

ମୋ ଭଲ ମନ୍ଦ ରେ ।(୨)

ଜଗତର ନାଥ ତୁମେ

ସର୍ବ ଘଟେ ସ୍ଥିତ

ମୋ ହୃଦୟ ଶ୍ରୀ ମନ୍ଦିରେ

ତୁମେ ବିରାଜିତ ।(୩)

ମୃଗତୃଷ୍ଣା ପରି ମୁଁ ଯେ

କସ୍ତୁରୀ ଭ୍ରମରେ

ତୁମ ସ୍ଥିତି ଖୋଜୁଥିଲି

ମଠ, ମନ୍ଦିର ରେ ।(୪)

ଖୋଜି ଖୋଜି ପାଇଛି ମୁଁ

ତୁମରି ଠିକଣା 

ତୁମ ପ୍ରେମେ ମହକାଅ

ମୋ ମନ ଅଗଣା(୫)

ସଂକୀର୍ଣ୍ଣ ଭାବନା ଠାରୁ

ମୋତେ ଦୂର କରି

ମୋ ହୃଦୟେ ପବିତ୍ରତା

ଦିଅ ପ୍ରଭୁ ଭରି ।(୬)