ଭଙ୍ଗା ହୃଦୟ

ହୃଦୟ କୁ ମୋର                          

ଖେଳନାଟି ଭାବି                          

ଭାଙ୍ଗିଦେଇ ଚାଲିଗଲା ।    

                  

ଭାବିଲାନି ଦିନେ                          

ସେଇ ଖେଳନାଟି                         

କେତେ ପ୍ରିୟ ତାର ଥିଲା ।     

               

ଭଙ୍ଗା ଖେଳନାଟି                          

ଆଉ କିମ୍ବା ଯୋଡି ହେବ                 

ଯୋଡି ହେବ ଯଦି                         

କହିହେବ ନାହିଁ                          

ଦାଗ ତାର ରହିଯିବ।      

                 

କାହା ହୃଦୟକୁ                          

ଖେଳନାଟି ଭାବି                          

ଖେଳିବୁନି କେବେ ତୁହି                      

ଆଖିର ଲୁହ                            

ତା ଅଭିଶାପ ହୋଇ                        

କନ୍ଦେଇବ ତତେ ସେହି ।    

                 

ଖେଳନା ଭାବି ତୁ                         

ଭାଙ୍ଗି ଦେଲୁ ସିନା                         

ହୃଦୟକୁ ମୋର ତୁହି                       

ହେଲେ ସେଇ ଖେଳନାର                     

ମୂଲ୍ୟ ଯେ କେତେ                         

ବୁଝି ତୁ ପାରିବୁ ନାହିଁ ।    

                   

ଯେବେ ତୋ ହୃଦୟକୁ                      

କିଏ କେବେ ଖେଳନାଟି ଭାବି                  

ଭାଙ୍ଗିଦେଇ ଚାଲିଯିବ                      

ସେବେ ତୁ ବୁଝିବୁ                          

ଏହି ଖେଳନାର ମୂଲ୍ୟ ଯେ କେତେ ।