ଭିଜା ଶ୍ରାବଣ
ଭିଜା ଶ୍ରାବଣ
1 min
241
ଏଇତ ଶ୍ରାବଣ ଆସିଛି
କବି'ର ଭାବଭରା ପ୍ରୀତିଝରା
ଓଦାଓଦା ନିଦାନିଦା
ଉଲ୍ଲସିତ କୋରକିତ
ମଧୁମିଷ୍ଟ ଅନ୍ତରର...
କୋଟି କଦମ୍ବର
ମହମହ ମହକିତ
ମତୁଆଲା ବାସେ ;
ଆସିଛି ବି -
ମେଞ୍ଚାମେଞ୍ଚା ଅନୁରାଗେ
ପ୍ରୀତିସ୍ପର୍ଶ ପୁଲକିତ ହୃଦୟର
ଭରପୂର ରିମ୍ ଝିମ୍ ସୁରେ /
କମ୍ପିତ ଅନ୍ତରେ
ଛନ୍ଦଭରା ଏକ ବିଚିତ୍ର
ସୁମିଷ୍ଟ ଉଚ୍ଛ୍ବାସେ ।
ପଦାର୍ପିଛି ସିଏ-
ଛଳଛଳ ଚପଳ ତାରୁଣ୍ୟେ
କେବେ ଅସରାଏ ହିମବିନ୍ଦୁର
ବର୍ଷିତ ପୁଲକେ ,
ପ୍ରୀତିମୁକ୍ତା ସମ୍ଭାରର
ମୁଗ୍ଧ ଅନୁଭବେ/ ମଧୁର କମ୍ପନେ ;
ପୁଣି କାହା ବିରହୀ ଅନ୍ତରେ
ପ୍ରମତ୍ତ ବିକମ୍ପିତ ଉତ୍ତାଳ ଉଦ୍ଭ୍ରାନ୍ତ
ମୌସୁମୀଟେ ହୋଇ,
ହୁତୁହୁତୁ ନୀଳନୀଳ ଉଛୁଳା ଜ୍ଜ୍ବଳନେ !!