ବସନ୍ତ ର ଆଗମନ

ନବ ବସନ୍ତ ର ପହିଲି ପରସେ

ନାନା ପୁଷ୍ପେ ଦ୍ରୁମ ଭରା।

ଶୀତୁଆ କାକର ହୋଇଯାଏ ଦୂର

ପୁଲକିତ ହୁଅ ଧରା।

ନବ ପଲ୍ଲବୀତ ଆମ୍ର ତରୁ ଅଙ୍ଗେ

ବଉଳ ପାଉଛି ଶୋଭା

ରଙ୍ଗ ବେରଙ୍ଗ ର କୁସୁମ ସଜାନ୍ତି

ବସୁଧା ମାଆ ର ଗଭା।

ଗହଳିଆ ବନ ତରୁ ବୃନ୍ତ ଡାଳେ

କୋକିଳ ର ମିଠା ତାନ

ପ୍ରେମ ର ଜୁଆରେ ହୃଦ ବିଦାରିତ

ଉଲ୍ଲସିତ ତନୁ ମନ।

ପ୍ରୀତି ମହକର ମଳୟ ପବନେ

ପ୍ରେମ ପ୍ରଣୟ ର ଛୁଆଁ

ନିରସ ହୃଦୟେ ଜାଗି ଉଠେ ଜଳି

ଶାଶ୍ୱତ ପ୍ରେମର ନିଆଁ।

ଦୋଳ ଯାତ ପାଇଁ ଗାଁ ଆ ହୁଏ ସଜ

ହସି ଉଠେ ପଲ୍ଲୀ ଭୂଇଁ

ଶ୍ରୀ ରାଧା ଗୋବିନ୍ଦ ବିମାନରେ ବିଜେ

ସାଥେ ବନ୍ଧୁ ସଖା ନେଇ।

ସାଗର ପ୍ରଧାନ

ପଦାଦିଗି, ଗଂଜାମ

9124776287