ଅତୀତ

ଟିକିଏ ଫୁରସତ ମିଳିଲେ

ଝାପସା ଝାପସା ଜହ୍ନ ଆଲୁଅରେ

ଖୋଲା ଆକାଶ ତଳେ

 ମୁଁ ଖୋଜି ଚାଲେ ମୋ

ହଜିଲା ଅତୀତକୁ 

ତୁହାକୁ ତୁହା କୋହାର ବର୍ଷାରେ

ଜୁଡୁବୁଡ ହେଇ ଭିଜି ଯାଏ ମୁଁ

ଫେରି ଆସେ ବର୍ତ୍ତମାନ କୁ ।

ଅତୀତକୁ ମନେ ପକାଇ

ଲାଭବା କଣ ?

ଯେଉଁ ଅତୀତ ଦିନେ ଈର୍ଷା କରି

କଢି କରି ଝଡେଇ ଦେଲା

ଫୁଲ ଫୁଟିବା ଆଗରୁ ।

ସମୟ ଖେଳେ ମୋ

ଜୀବନରେ ତାଣ୍ଡବଲୀଳା

ସରି ଯାଇଥିଲା ସେଦିନ

ରାତ୍ରିର ଅନ୍ଧକାର କୁ

ମୁହୂର୍ତ୍ତକ ପାଇଁ ଭଲ ପାଇ ।

ହାରିଗଲି ସେଦିନ

ନିଜର ବିଶ୍ୱାସ ପାଖରେ

ଗମ ଗମ ହେଇ ଗଡି ଚାଲିଲା

ତାଳୁରୁ ତଳିପା ଯାଏ

ହଠାତ ପୂବେଇ ପବନ ଟା

ମନର ଅଦୃଶ୍ୟ କୋଣକୁ

ସ୍ପର୍ଶ କରି ଚାଲିଗଲା 

ଝଟକି ଗଲା ଆକାଶ କାନ୍ଥରେ

ସନ୍ଧ୍ୟା ତାରାଟି ।