ଅନନ୍ୟ ଶରୀର
ଅନନ୍ୟ ଶରୀର
1 min
165
ବିଚିତ୍ର ସଂଯୋଗ ସତେ ସୃଷ୍ଟି ଓ ସ୍ରଷ୍ଟାର
ଧରାରେ ମିଳନ ଘଟେ ନାରୀ ପୁରୁଷର
ନାରୀଗର୍ଭେ ସ୍ଥାନ ପାଏ ସୃଷ୍ଟିର ଆଧାର
ରକ୍ତ ମାଂସ ହାଡ଼ ଥିବା ଅନନ୍ୟ ଶରୀର ।
ସ୍ନେହଶ୍ରଦ୍ଧା ଦୟା କ୍ଷମା ହୃଦୟରେ ଭରି
ଅନ୍ତରରୁ ମମତାର ସୁଧା ଯାଏ ଝରି
ତ୍ୟାଗବଳେ ଦୃଢକରେ ସମ୍ପର୍କର ଡୋରି
ଚିରକାଳ ପୂଜନୀୟା ସଂସାରରେ ନାରୀ ।
ଭକତିର ନିର୍ଝରିଣୀ ସେବା କରେ ଦାନ
ମାଆ ରୂପେ ନେଇଅଛି ଈଶ୍ୱରଙ୍କ ସ୍ଥାନ
କିଏ ଅବା ମାପିପାରେ ଭଉଣୀର ମନ
ଜାୟା ସିଏ ଅଧିକାର ରହେ ତା'ଅକ୍ଷୁର୍ଣ୍ଣ ।
ଇତିହାସେ ପୁରାଣରେ ଲେଖା ନାରୀଗାଥା
ପୂଣ୍ୟ ବଳେ ନାରୀଜନ୍ମ ଲଭେ ସାର୍ଥକତା ।