ଅନଭ୍ୟସ୍ତ ଅନୁଭୂତି... ପ୍ରତାରଣା
ଅନଭ୍ୟସ୍ତ ଅନୁଭୂତି... ପ୍ରତାରଣା
କେବେ ହଠାତ୍ ଆସି ଠିଆହୁଏ
ସେ ଖାଇବାକୁ ହୁଏ
ଫେରାଇବାର ନୁହେଁ
ତୁମେ ସେ କୂଳର ନୁହଁ
ତଥାପି ତୁମ ମୋ ମଧ୍ୟରେ ଏରେଖା
ଲକ୍ଷ୍ଯଚ୍ଯୁତ କକ୍ଷରେ ଘୂରିବାର ସଖା
ଏରୁଣ୍ଡି ଉପରେ ଠିଆ ହୋଇ ଗୋଟିଏ
ପାଦ ଚିପି ଚିପି ପୃଥିବୀରୁ ଖସେ ମାଟି ଚେନାଏ
ସବୁ ସମାନ ଥିବା ବେଳେ ଏକ ବିଚିତ୍ର ଘଟଣା
ତୁମର ଗଲ୍ପ ଯେମିତି ମୋ ପୃଥିବୀରୁ ପୁରା ଅଲଗା
ଧୋଇଧାଇ ସାଇତି ରଖିବା ସମୟରେ ଯେମିତି ଫାଟ
ଠିକ୍ ସେମିତି ଧୋକାଖିଆ ମନଟା ପାଏନା ଜମା ବାଟ
ସନ୍ତର୍ପଣରେ ସ୍ତବ୍ଧ ପାଲଟେ ମନ ଓ ହୃଦୟର ତନ୍ତୁ ସିରା
ତଥାପି କେବେ ଜୀବନ ଭରେନା ଅବିଶ୍ଵାସରେ ଭାଙ୍ଗିଯିବା
ଚିରିଥିବା ପୃଷ୍ଠାର ଚିହ୍ନ ପରି ରହିଯାଏ ଦାଗର ଗାଢ ଗାର
କିଛି ବ୍ୟସ୍ତତା ଓ ବିବ୍ରତ ଭିତରେ ଖୋଜିଚାଲେ ଜୀବନର ତାର
ପ୍ରେମରେ ପ୍ରତାରଣା ଖୁବ୍ ଅଧିକ କି କମ୍ ଜାଣେନା
ତେବେ ବି ସତରେ ଅବୁଝା ମନଟା ମାନେନା
ଲୁଚି ଲୁଚି ମନ କହେ କେତେ କଥା
ତଥାପି ଲୁଚିଛି କାହିଁ ଛଳନାର ବ୍ୟଥା
ଯିଏ ଦିଏ ସେ ବୁଝେନା
ଯିଏ ଖାଏ ସେ ମରମେ ଭାବନା
ପ୍ରେମରେ ଶରାଘାତ ଦଂଶନରେ
ସଜ ଫୁଲଟିଏ ମଉଳି ମହୁଲି ନିଶାରେ