ଅମୃତ ସନ୍ତାନ

ଧରାପୃଷ୍ଠ ପରେ ଅମୃତ ସନ୍ତାନ

ଅନୁପମ ଦାନ ସ୍ରଷ୍ଟାଙ୍କର

ଉତ୍ତମ ଗୁଣର ଅଧିକାରୀ ହୋଇ

ଛୋଟରୁ ହୁଏ ସେ ବୃହତ୍ତର ।।

ଛୋଟ ବୋଲି କେବେ ହେୟ କରନାହିଁ

ଛୋଟରେ ହିଁ ବଡ ସତ୍ତା ଥାଏ

ଫୁଟିଲା ଫୁଲକି ଫୁଟେ ଆଉଥରେ

କଢ଼ ଟି ତ ପ୍ରସ୍ଫୁଟିତ ହୁଏ ।।

ଆଜିର ଶିଶୁ ଯେ କାଲିର ଭବିଷ୍ୟ

ଗୌରବ ସେ ଦେଶ ଜାତି ପାଇଁ

ସୁସଂସ୍କାର ଦେଇ ଗଢିଲେ ତାହାକୁ

ଆଣେ ସମ୍ମାନ ମାତୃ,ମାଁ ପାଇଁ ।।

ଶିଶୁ ଅଟେ କଞ୍ଚା ମାଟିର ସ୍ବରୂପ

ଯେଉଁ ରୂପ ଦେବା ସେହିପରି

ଗଢି ହୋଇଯାଏ ସେହି ସେ ଢାଞ୍ଚାରେ

ଉତ୍ତମ ସଂସ୍କାର ପାଇକରି ।।

ଯଦି ଶିଶୁଟିଏ କୁସଙ୍ଗେ ଜଡିତ

 ହୋଇଥାଏ ସଦା ବାଟବଣା

ଉତ୍ତମ ଆଦର୍ଶ ପଥକୁ ଦେଖାଇ

କରିବା ତାକୁ ଆମେ ଠିକଣା ।।