ଅକ୍ଷୟ ତୃତୀୟା
ଅକ୍ଷୟ ତୃତୀୟା
'ଅକ୍ଷୟ ତୃତୀୟା' ମହାତ୍ମ୍ୟ ଅନେକ
ଶୁଣ ଶୁଣ ସୁଧୀ- ଜନ,
ଗଙ୍ଗା-ମାତା ଏହି ପୁଣ୍ୟ ଦିବସରେ
ମର୍ତ୍ତ୍ୟରେ ଅବତରଣ ।
ସତ୍ୟ କି ତ୍ରେତୟା ଦ୍ଵାପର ଓ କଳି
ଏ ଦିବସେ ଶୁଭାରମ୍ଭ,
ଜନ୍ମ ହୋଇଥିଲେ ଅନେକ ମହର୍ଷି
ପର୍ଶୁରାମ ଜୟଦେବ ।
ଅକ୍ଷୟ ତୃତୀୟା ଦିବସେ ଖଜାନା
କୁବେର ହୋଇଲେ ପ୍ରାପ୍ତ,
କୌରବ ସଭାରେ ଦ୍ରୌପଦୀଙ୍କୁ କୃଷ୍ଣ
ଦେଇଥିଲେ କୋଟି ବସ୍ତ୍ର ।
ଏହି ଦିବସରେ ମାତା ଅନ୍ନପୂର୍ଣ୍ଣା
ଜନ୍ମ ଲଭିଲେ ଧରାର,
ଉତ୍କଳୀୟ ପର୍ବ ଅକ୍ଷୟ ତୃତୀୟା
ଶୁଭ ଦିନ ଚାଷୀଙ୍କର ।
ଜନକ-ନନ୍ଦିନୀ ମାତା ସୀତା ଦେବୀ
ହୋଇଥିଲେ ଆବିର୍ଭାବ,
ପବିତ୍ର ଦିବସେ ମହାପ୍ରଭୁଙ୍କର
ରଥ ନିର୍ମାଣ ଆରମ୍ଭ ।
ଶ୍ରୀକୃଷ୍ଣ-ସୁଦାମ ବନ୍ଧୁଙ୍କ ମିଳନ
ଅକ୍ଷୟ ତୃତୀୟା ଦିନ,
ଦାନ-ଧର୍ମ-କର୍ମ ଶୁଭ ଓ ମଙ୍ଗଳ
ମନେରଖ ସୁଧୀ-ଜନ ।
ସ୍ଵର୍ଣ୍ଣ ଅଳଙ୍କାର ଯେ' ହୁଅଇ ପ୍ରାପ୍ତ
ସେ' ହୁଅଇ ଲକ୍ଷ୍ମୀବନ୍ତ,
ସ°ସ୍କୃତିର ପର୍ବ 'ଅକ୍ଷୟ ତୃତୀୟା'
ମଙ୍ଗଳମୟ ମହତ୍ତ୍ଵ ।