ଅଦିନ କୁହୁଡି
ଅଦିନ କୁହୁଡି
1 min
235
ଅଦିନ କୁହୁଡି ମାଡ଼ି ଆସିଲାଣି
ଭାରି ଡର ଲାଗେ ମୋତେ ।
ଚାରି ଦିଗ ମୋତେ ଦିଶେ ଅନ୍ଧକାର
କାଳ ଆସିଲାକି ସତେ ।।
ଯାହା ହାତ ଧରି ବାଟ ଚାଳୁଥିଲି
ଅଧ ବାଟେ ଗଲା ଛାଡି ।
ହାଟର ସଉଦା ହାଟରେ ରହିଲା
ଛାଡି ଚାଲିଗଲା ଗାଡ଼ି ।।
କଥା ଦେଇଥିଲା ଜନ୍ମ ଜନ୍ମ ପାଇଁ
ସାଥିଟିଏ ହେବା ପାଇଁ ।
ହୃଦୟରେ ସଦା ରଖିବି ତୁମକୁ
କେବେ ମୁଁ ଭୁଲିବି ନାହିଁ ।।
ତୁମ ବିନା ଆଜି ଏ ଘର ଅଗଣା
ଯାଇଛି ନିସ୍ତବ୍ଧ ହୋଇ ।
ସଂଜବତୀ ଆଉ କିଏ ଜଲେଇବ
ମୁଣ୍ଡରେ ଓଢଣା ଦେଇ ।।
ସଂଜ ଓ ସକାଳେ ନିଇତି ଦେଖୁଛି
ତୁମର ପୁରୁଣା ଛବି ।
ତୁମ ପାଇଁ କେତେ ଲେଖୁଛି କବିତା
ତୁମ କଥା ଭାବି ଭାବି ।।
ହୃଦୟ ବିଚରା ତୁମରି ବିହୁନେ
ହୋଇ ଯାଇଅଛି ଏକା ।।
ସାତ ରଙ୍ଗ ଥାଇ ତୁମେ ନାହଁ
ବୋଲି ସବୁ ଲାଗେ ଫିକା ଫିକା ।।