ଅଭୁଲା ସେ ମୁହୂର୍ତ୍ତ କିଛି
ଅଭୁଲା ସେ ମୁହୂର୍ତ୍ତ କିଛି
1 min
133
ଅଭୁଲା ସେ ଅତୀତର ସ୍ମୃତି
ଗାଁ ଚାଟଶାଳୀ ଭାଗବତ ଘର
ଅବଧାନଙ୍କର ବେତ ପାହାର
ସାଙ୍ଗ ସାଥୀ ମେଳ ବାଗୁଡ଼ି ଖେଳ
ଆମ୍ବ ତୋଟା ମୂଳ ପୋଖରୀ କୁଳ
ଗୁଡ଼ି କଟାକଟି ଗୁଲି ଆଉ ଖଟି
ଚଗଲା ମାଧିଆ ଆଉ ନଟିଆ
ଗାଁ ଝିଅ ପଛେ ନିତି ଧାଁଆନ୍ତି
ଗାଁ ଚଉତରା ନାଟକ ପାଲା
ଦାସକାଠିଆକୁ ଜୁହାର ଭଲା
ହଜିଛି ସଂସ୍କୃତି ଚାଲି ଚଳଣି
ତଥାପି ଅଭୁଲା ତାର କାହାଣୀ
ଅତୀତ ମାନସ ମନ୍ଥନ କରି
ବୁଝାଉଛି ଆଜି ମନ ମୋହରି
ପିଲା ଦିନ କଥା ଅଭୁଲା ସତେ
ଆଣିଦେବ ଆଉ କିଏ ସେ ମୋତେ ।