ଅଭିଷିକ୍ତ କର*

ସତୀ ସୀତା ରୂପେ 

   ଅଭିଷିକ୍ତ କରି

ପବିତ୍ରତାର 

   ଅଗ୍ନୀପରୀକ୍ଷା କର

ଦ୍ରୌପଦୀ ରୂପେ 

    ଅଭିଷିକ୍ତ କରି

କୁରୁସଭା ରେ  

    ଵିଵସ୍ତ୍ର କର

ଅହଲ୍ୟା ଭାବେ 

    ଅଭିଷିକ୍ତ କରି

ଚିରକାଳ ନିଃଷ୍ପ୍ରାଣ

    ପାଷାଣୀ କର

ତୁଳସୀ ରୂପେ 

    ଅଭିଷିକ୍ତ କରି

ଶ୍ରୀବିଷ୍ଣୁଙ୍କ ଦ୍ଵାରା 

    ସତୀତ୍ୱ ହର

ତାରା ରୂପେ 

   ଅଭିଷିକ୍ତ କରି

ବାଳୀ ଓ ବଳୀ 

   ମଧ୍ୟରେ ସଂଘର୍ଷ କର

ଆଉ କର ଅଭିଷିକ୍ତ

   ନିର୍ଭୟା ରୂପରେ

ମୃତ୍ୟୁ ପୂର୍ବରୁ ପୁଣି ପରେ

    ଲଜ୍ଜାହତ କର 

ସେଇ ସମାଜରେ ପ୍ରହସନ କର

ନାରୀ ସଶକ୍ତିକରଣ

 ବିଶ୍ୱ ମହିଳା ଦିବସ

 ବିଶ୍ୱ ମାତୃତ୍ୱ ଦିବସ

ବିଧ୍ଵଂସର ଚୌହାଦୀରେ ସବୁ

   କେବଳ ହୁଏତ ପ୍ରତୀକ୍ଷା

ମୋର କାଳୀ କରାଳ ରୂପର

ଅଭିଷିକ୍ତ କରି ମୁଁ ନିଜକୁ

ସେ ରୂପେ ଧ୍ୱଂସୀ ବି 

 ଆଲେଖ୍ୟ ନାରୀ ନିର୍ଯ୍ୟାତନାର