ଅଭିନୟ

ଜୀବନର ରଙ୍ଗମଞ୍ଚେ ରଙ୍ଗ ବୋଳିହୋଇ 

ଅଭିନୟ ଖାଲି ଅଭିନୟ,

କେତେବେଳେ କଳାଧଳା କେତେ ନାଲିନେଳୀ

ନେଉଥାଏ ମଞ୍ଚରୁ ବିଦାୟ |୧|

ଏମିତିକା ଜୀବନଟେ ନାଟକର ଭାଷା

ପ୍ରେମ ପ୍ରତାରଣା ନେଇ,

ସିଧା ସଡ଼କର ଚାଲି ତାତିଯାଏ ବାଲି

କେବେ ଥଣ୍ତା ଜଳବିନ୍ଦୁ ଦେଇ |୨|

ଅଭିନୟ ଆକାଶର ବାଦଲ ସାଥିରେ

ଝରା ଜଳ କାଦୁ ଝର ଝରେ ,

ମାଟିରୁ ଆକାଶ ଯାଏ ରଙ୍ଗ ବେରଙ୍ଗର

ଅଭିନୟ କରୁଥାଏ ଥରେ |୩|

ମୁଖ ଭାଷା କେତେ ଋଷା ପଛେ ମଧୁକଥା

ଆଖି ଭାଷା ବୁଝେ ମରମରେ,

ମରୁବାଲି ମଧୁଝରା ଆବେଗ ଆଭାରେ

ଥିରି ଥିରି ଝୁଲେ ସରାଗରେ |୪|

ଅଭିନୟ କରୁଥାଏ ଆଶା ପ୍ରତ୍ଯାଶାରେ 

ନିଜକୁ ନିଜେ ଠକି ମରୁଥାଏ,

ଭକତି ଭାବରେ ବନ୍ଧା ଅଭିନୟ ସାର

ଜୀବନର ଖୋଲା ଫର୍ଦ୍ଦଟିଏ |୫|

ଅଭିନୟ କରୁଥାଏ ପ୍ରତିଟି ପାଦରେ

ଛକି ଛକି ପ୍ରଜାପତି ସାଥେ,

ମୋର ଅଭିନୟ କିନ୍ତୁ ଖାଲି ସଫା କାଚ

ଚାଲୁଥାଏ ପ୍ରଭୁ ପଛେ ପଛେ |୬|