ଆୟୁଷ

ବଞ୍ଚି ରହିନାହିଁ,  ରହିବେ ଯେ ନାହିଁ,

    ଚିର ସ୍ଥାୟୀ ହୋଇ କେହି:

କିଛି କର୍ମ ପାଇଁ,   ଆସିଛନ୍ତି ସର୍ବେ,

     ଧରଣୀ ମଞ୍ଚରେ ରହି::

ଅଭିନୟ ଆମ,   ଦିନେ ସରିଯିବ,

    ଛାଡି ଯିବ ପ୍ରାଣ ବାୟୁ:

ମାୟାର ବନ୍ଧନ,  ଲୋତକ ଗଡାଇ,

   କହିବେ କି ହୀନ ଆୟୁ::

କହିବେ ଯେ କିଛି, ଭଲ ଥିଲା ସେହି,

     କିଛିତ କହିବେ ମନ୍ଦ:

ମରିଗଲା ଠାରୁ,   ସବୁ ସରି ଗଲା,

     ରହିଲା ସ୍ୱକର୍ମ ଗନ୍ଧ::

ମଣିଷ ଆୟୁଷ,   କମିବା ବଢିବା,

    ହିସାବ କରେ ଦଇବ:

ସୁକର୍ମରୁ ବଢେ,   କୁକର୍ମରୁ କମେ,

    ଆୟୁଷ କର୍ମରେ ଥିବ::

ମଦ୍ୟ ନାରୀ ଲୋଭ,କମାଏ ଆୟୁଷ,

    ସୁକର୍ମେ ଆୟୁଷ ବଢେ:

ସୁଭ ଆଚରଣ,   ସମାଜର ଶାନ୍ତି,

   ଦୀର୍ଘାୟୁ କରାଇ ଗଢ଼େ::

ପିଅନାହିଁ ମଦ୍ୟ, କରନାହିଁ ଲୋଭ,

    ନାରୀକୁ ଦିଅ ସମ୍ମାନ:

ଆୟୁଷ ବଢିବ,  ମର୍ଯ୍ୟାଦା ବଢିବ,

    ହେବ ଜଗତେ ମହାନ::

*******(ମହେଶ୍ୱର ସାହୁ)*******

ଗୋପୀବିନ୍ଧା, ବ୍ରାହ୍ମଣ ଗାଁ,

ବାଲେଶ୍ଵର(ଭଦ୍ରକ)