ଆସ ଆସ ଶୀତ

ଆସ ଶୀତ ଉପବିଷ୍ଟ ହୁଅ

ନୂଆଣିଆ ଛପର ତଳେ

ଯୋଉଁଠି ରାମ ଜେଜେଟା

ଫୁଙ୍ଗୁଳା ଦେହରେ

ଚାଖଣ୍ଡେ ଗୋଡେଇ

ଗୋଟାପଣେ ଥରେ ,,

ଭୋକ ସାଥେ ନିତି ଜୁଝି ମରେ ।।

ଥରେ ଆସି ବୁଲିଯାଅ

ଯୋଉଁଠି ତାଳୁୁରୁ ତଳିପା ଘୋଢେଇ

ଚମଡା ପୋଷାକ ଆବୋରି

ଧନୀଟା ନାଲି ଚା' ଢୋକେ,

ବିଲାତି କୁକୁରଟା ଆସି

ଫାଟକ ପାଖେ ଭୋକେ ।।

ଆସ ଆସ ଶୀତ ଦେଖିବ

ତୁମେ ଆସିବ ବୋଲି

ଗାଁ ପାଗଳଟା ଗୋଟାଇ ଆଣି

ଦୋକାନ ପଛ ପଟେ

ଥୋଇଛି ଛିଣ୍ଡା କମ୍ବଳ କେତେ,

ଯୋଉଁଠି ଆସି ଭୁଆ ବିରାଡିଟା ମୂତେ ।।

ଦେଖି ପାରୁନା କି

ମୋର ଫୁଟାଣୀ

ତୁମ ଆସିବା ଜାଣି

ଗଣ୍ଠିଲି ଫିଟାଇ ପୁରୁଣା ସ୍ବେଟର

ମାଆ ଆଣିଛି ଟାଣି ,

ଶୀତ ନାଇ ଆମ ରାଇଜେ

କିବା ଆଣିବୁ ନୂଆ କିଣି ।।

ଦେଖ ଦେଖ ଆଖି ପୁରେଇ ଦେଖ

ନେତାଙ୍କର କି ହସ

ବିଚରା ଜଗାଟା

ତେର ଘଣ୍ଟା ଉପବାସ

ତୁମେ ଭଲା କରିବ କିସ ,

ରାସ୍ତାରେ ଶୋଇଛି ଭିକାରୀଟା

ତା' ପାଖେ ଯାଇ ପଶ ।।

ହେ ଶୀତ କେତେ ସହିବ ଉପହାସ

ଏଥର କୁହୁଡ଼ି ଆଣି ବରଷ

ମୋତି ଟୋପା ଯେତେ

ପତର ଦିହରେ ଖୋସ,,

ଆସ ଆସ ଶୀତ

ବେଗି ବେଗି ଆସ ।।।

ରାଜେନ୍ଦ୍ର ଗିରି

ଭୋଗରାଇ,ବାଲେଶ୍ୱର

ଭ୍ରାମ୍ୟଭାଷ-୭୮୭୩୫୭୦୯୩୮