ଆମେ ସ୍ଵାଧୀନ ଭାରତ ପିଲା

ଆମେରେ ସ୍ଵାଧୀନ ଭାରତ ପିଲା(୨)ଥର

ନାହିଁ ଉଚ୍ଚନୀଚ, ନାହିଁ ଜାତିଭେଦ

ନାହିଁ ତ କିଛି ଝାମେଲା।

ଆମେରେ...

ପରାଧୀନ ଥିଲା ମାଆ ଏ ଭାରତ 

ସହିଥିଲା ସିଏ କଷଣ ବହୁତ,

ବୀରସୁର କେତେ ଜନମି ତା ଗର୍ଭୁ

ଗୋରା ବେପାରୀଙ୍କୁ ତଡିଦେଲେ ଭଲା।

ଆମେରେ ...

ମାଟି ମାଆ ପାଇଁ ଦେଲେ ବଳୀଦାନ

ଭୁଲିଗଲେ ଘର ଦ୍ଵାର ଓ ସନ୍ତାନ,

ବନ୍ଧୁକ ଆଗରେ ପାତିଦେଲେ ଛାତି

ବନ୍ଦେ ଉତ୍କଳ ଜନନୀ ସ୍ଲୋଗାନ ଥିଲା।

ଆମେରେ...

ସେହି ବୀରରକ୍ତ ଦେହେ ଅଛି ଆମ,

ଏକତା ରଜ୍ଜୁରେ କରି ମହତ୍ କାମ,

ସାହସ ବିଶ୍ୱାସ ଶାନ୍ତିର ପତାକା

ଉଡାଇବୁ ଆମେ କରି ମନଖୋଲା।

ଆମେରେ ସ୍ଵାଧୀନ ଭାରତ ପିଲା।