ଆମ ସଂସ୍କୃତି

ଅତି ମନଲୋଭା ଉତ୍କଳର ଶୋଭା

ମଧୁର ସଂସ୍କୃତି ତା'ର

ବୃଦ୍ଧାଠାରୁ ଯୁବା କି ପୁରୁଷ ଅବା

ଗରବେ ଉଠାନ୍ତି ଶୀର ।

ଜଗନ୍ନାଥଙ୍କର ସଂସ୍କୃତି ଆମର

ସାରା ବିଶ୍ୱେ ପରିଚିତ

ଧନ୍ୟ ଶ୍ରୀମନ୍ଦିର ଭକ୍ତିର ସମ୍ଭାର

ଉଭା ଯହିଁ ଜଗନ୍ନାଥ ।

ଅବଢ଼ା ଅନ୍ନରେ ମନେ ଶାନ୍ତି ଭରେ

ଭକ୍ତଙ୍କର ଅତି ପ୍ରିୟ

ଘୋଷ ଯାତରାରେ ଘଣ୍ଟ କାହାଳୀରେ

ପ୍ରଭୁ ଲଗାଅନ୍ତି ମୋହ ।

ବାର ମାସେ ତେର ପରବ ଭଣ୍ଡାର

ସମଗ୍ର ଉତ୍କଳ ଭୂଇଁ

ସ୍ନେହପ୍ରେମ ଡୋର ଭାବ ଭକ୍ତି ଝର

ଅତୁଟ ଆମରି ପାଇଁ ।

ପାଲା,ସଂକୀର୍ତ୍ତନ, ଭଜନ ଜଣାଣ

ଯାତନାଟ କିଣେ ମନ

ଅତିଥି ପୂଜନ ଗୀତା ଅଧୟନ

ସଂସ୍କୃତିରୁ ନୁହେଁ ଭିନ୍ନ ।

ହୃଦୟେ ସାହସ ଶତ୍ରୁର ବିନାଶ

ଇତିହାସ କହେ ଗାଥା

କ୍ରୁର ଚଣ୍ଡାଶୋକ ହେଲେ ଧର୍ମାଶୋକ

ନୁଆଁଇଲେ ତାଙ୍କ ମଥା ।

ମନ୍ଦିର ମାଳିନୀ ଚିର ଶ୍ୟାମଳିନୀ

ପବିତ୍ର ଉତ୍କଳ ମାତା

ସୁଧା ନିର୍ଝରିଣୀ ସଂସ୍କୃତି କାମିନୀ

 ସର୍ବଦା  ଜଗତଜିତା ।