ଲାଇବ୍ରେରୀ
ପ୍ରୋଫାଇଲ୍
ଆଲୋକର ପର୍ବ
ଆଲୋକର ପର୍ବ
1 min
290
ଦୀପର ଆଲୋକେ
ଲେଖିଦେବି ପରଂବ୍ରହ୍ମ
ଶିଖାର ଝଲକେ
ଗାଇବି ମୁଁ ଓଁ ଓଁ ଓଁ
ଆଲୋକ ଜଳାଇ ଜାଳିବି
ହୃଦୟର ଯେତେ ବହ୍ନି
ପାଶବିକ ଦୂରାଚାର ପ୍ରକୃତି
ଜାଳିଦେବି ସବୁ ଚିହ୍ନି
ଜଳାଇ ଜାଗିବି ବାରତା ଦେଇ
ପିତୃପୁରୁଷ ହେ ହୁଅ ସାହା
ତୁମେ ଗଲା ପରେ ଆଉ ଏ ସଂସାରେ
ଦୁଃଖ ଯନ୍ତ୍ରଣାରେ ନ କହୁ କେହି ଆହା
ପତଙ୍ଗ ପରାଏ ଜଳିଯିବି
ଆଲୋକର ଶିଖା ତେଜି
ଅମା ଅନ୍ଧକାର ଅନ୍ଧବିଶ୍ୱାସ
ନିଭେଇବ ଦୀପ ରାଜି
ଅଦିନ ଦୁର୍ଦ୍ଦିନ ଘୋର ବିପତ୍ତିରେ
ହେ ପିତୃପୁରୁଷ ଆସି ଆଜି
କଥା ଦିଅ ପୂର୍ବ ସୁରୀ ଠିଆ ହେବ
ପଡିବା ଆଗରୁ ଭାଜି
ଆଲୋକ ବହ୍ନିରେ ଶିଖା ସାନ୍ନିଧ୍ୟରେ
କର୍ମବଳୟ ହେଜି
ଅସୁମାରୀ ସ୍ୱପ୍ନ ସତ କରିବାକୁ
ଆଲୋକ ଦୁନ୍ଦୁଭି ଉଠୁ ବାଜି
ଅନ୍ଧାରେ ଆସି ଆଲୋକରେ ଯାଅ
ଦୀପ ମୁଁ ଦେଉଛି ତେଜି l
