ଆଜି ଦୋଳ ପୂର୍ଣ୍ଣିମା

ଆସିଲା ଦୋଳ ପୂର୍ଣ୍ଣମୀ

ସଜାଅ ଦୋଳ ବିମାନ

ନଗର ଭ୍ରମଣ କରିବେ

ରାଧାଙ୍କ ସଙ୍ଗେ କୃଷ୍ଣ।

ରଙ୍ଗ ପିଚକାରୀ ସାଥେ

ଧରି ଗୋପୀ ଗୋପାଳ

ମର୍ତ୍ତ୍ଯ ମଣ୍ତଳକୁ ଆସିବେ

ଆଜି ଦୋଳ ଗୋବିନ୍ଦ।

ଘରେଘରେ ପୁରେ ପୁରେ

ବସିବ ଶୁଭ କଳସ

ଦୁଆର ମୁହଁରେ ପଡିବ

ଝୋଟି ରଙ୍ଗ ମୁରୁଜ।

ବିବିଧ ବର୍ଣ୍ଣ ପୁଷ୍ପରେ

ସଜା ହେବ ବିମାନ

ବିଜେ କରିବେ ବୋଲି

ଶ୍ରୀ ମଦନ ମୋହନ।

ଫୁଲରେ ହୋଇବ ସଜା

ଘର ଆଉ ଦେବାଳୟ

ଅବତରିବେ ଏ ଧାମରେ

ସେ ମୋହନ ବଂଶୀଧର।

ଧୂପ ଦୀପ ନୈବେଦ୍ଯରେ

ମହକି ବାସିବ ଚଉଦିଗ

ପାଲଟି ଯିବ ସଂସାର

ଆଜି ପୁଣି ଗୋପପୁର।

ଗ୍ରାମେଗ୍ରାମେ ଲାଗି ହେବ

ଚଣା ଶାକରର ଭୋଗ

ଅବିର ଖେଳିବା ପାଇଁ

ସର୍ବେ ହୋଇବେ ଏକତ୍ର।

ଅବିରର ରଙ୍ଗ ଆଜି

ଭରିଦେବ କେତେ ଖୁସି

ନାଶ ହୋଇଯିବ ବିଘ୍ନ

ରହିବନି କିଛି ବିପତ୍ତି ।

ପୋଛି ଯାତନାର ଲୁହ

କରିବା ସଭିଙ୍କୁ କୋଳ

ବୋଳିବା ରଙ୍ଗ ଅବିର

ସଭିଏଁ ହୋଇ ଏକମେଳ।

ଭାଇଚାରାର ଏ ପରବ

ନାହିଁ କିଛି ଭେଦଭାବ

ଏକାକାର ହୋଇ ଆଜି

ପୂଜିବେ ରାଧା ମାଧବ।

ନିବେଦିତା ମହାପାତ୍ର

ମୁକୁନ୍ଦ ମିଶ୍ର ନଗର,ପୁରୀ