ଆହ୍ଲାବାଦର ଆହ୍ଲାଦ ତୁମେ
ଆହ୍ଲାବାଦର ଆହ୍ଲାଦ ତୁମେ
ଆଲ୍ଲାହାବାଦର ଆହ୍ଲାଦ ତୁମେ
ଆନନ୍ଦ ଭବନର ଆନନ୍ଦ ଶିଶୁଟିଏ ,
କୋମଳମତିଙ୍କ ହୃଦୟର ଫୁଲଟିଏ ତୁମେ
ପିଲାମେଳେ ଆଖୁଖିଆ ପିଲାଟିଏ ତୁମେ
ଆଜିର ଦିନରେ ପ୍ରତି ନଭେମ୍ବରେ
ସବୁଠାରେ ତୁମେ ଓ ତୁମେ ,ତୁମେ ଓ ତୁମେ ।
ତୁମେ ଖାଲି ନଭେମ୍ବରର ନଭର ତାରକା ନୁହଁ ,
ଶତ ଶତ ଶିଶୁର ଅନ୍ତର ତଳର ଅନନ୍ତ ତୁମେ ,
ତୁମେ ସେଇ ହୃତା ଗୋଲାପର ଗୋଲାପଟିଏ ,
ତୁମେ ସେଇ ମୃତା ଗୋଲାପର ଗୋଲାପ ଟିଏ,
ଝଟକୁଥିବ କୋଟି ହୃଦୟର ସ୍ମରଣିକା ପୃଷ୍ଠାରେ ।
ମିଛଟିଏ କହି ଆଉ ମିଛ ନ କହିବାର ଶପଥ ନେଇଛ ,
ସ୍ଵାବଲମ୍ଵୀ ଜୀବନ ଜୀଇଁଛ ,
ଧନର ନଅରରେ ଥାଇ ନିର୍ଧନକୁ ଚିହ୍ନିଛ ,
ଗାନ୍ଧୀଙ୍କୁ ଅନୁସରି ଗାନ୍ଧୀଟୋପି ପିନ୍ଧିଛ ,
ଗାନ୍ଧିବାଦର ଆଦର୍ଶରେ ଭାରତକୁ ଗଢ଼ି
ବିଶ୍ଵ ଦରବାରରେ ଭାରତକୁ ଶିରୋନ୍ନତ କରାଇଛ ।
ତୁମେ ସମସ୍ତ ଦେଶବାସୀଙ୍କୁ
ଭଲପାଇବା ସଙ୍ଗେ ସଙ୍ଗେ
ଜୟ ଜବାନ୍ ,ଜୟ କିଷାନ୍ ନାରା ଲଗାଇ
ଉଭୟ କୃଷକ ଓ ସୈନିକଙ୍କୁ ଭଲ ପାଇଛ ,
ଶିଶୁ ହସିଲେ ଦୁନିଆ ହସିବ କହିଛ ,
ତଥା ଏକ ନୀତିନିଷ୍ଠ ଶାସକ ଭାବେ ପରିଚୟ ଦେଇ
ଭାରତର ସ୍ଵର୍ଣିମ ପୃଷ୍ଠାରେ ରହିଛ
ସ୍ଵାଧୀନ ଭାରତର ପ୍ରଥମ ପ୍ରଧାନୀ ହୋଇ ।
ଥିଲେ ଥାଉ କେତେ ମତ ଆଉ ପଥ ,
ଅବା ମତାନ୍ତର ,ବିରୋଧାଭାସ ,
ନ ଭୁଲିବ ଏ ଜାତି ,ତୁମ ପ୍ରୀତି କୀର୍ତ୍ତି ,
ହସି ହସୁଥିବ ସବୁ ଶିଶୁ ଦିବସ ,
ପ୍ରତି ବରଷ ,ହୋଇ ହରଷ ।