येरे येरे पावसा

दूर गेलास तू कुठे

जिथं हात माझा जाईना

ये परतून तू पावसा

पराधीन मी तुझ्याविना 

तुझे आभाळ दाटले

तरी येईना तू रे पावसा

वाट तुझी पहातो मी

रोज रात्रं दिवसा

किती उंच आलो मी

तुला शोधत इथवर

जाणार नाही मी एकटा

चल तू माझ्या बरोबर

किती वाट पाहतोय

माझा शेतकरी दादा

पडणार होता तू आधीच

विसरलास का तू वादा

पावसाच्या रिमझिम सरींची

आठवण होते सगळ्यांना

भिजायचे आहे पावसात मला

कधी येणार आहेस सांग ना

जमीन सुद्धा आसुसली

प्राणी पक्षी वाट पाहतात

पाण्याविना ऐक पावसा

सारेच सजीव तडफडतात

नको देऊ तू त्रास आता

ऐक तू माझी विनवणी

बरसू दे तुझ्या अखंड धारा

देते तुला मी ओवाळणी