येईल ग सखे श्रावण...

येईल ग सखे श्रावण...

सोडण्या ढगांचे मौन...

इंद्रधनुशी कमान...

हळूच हसेल ढगांआडून...

भिरभिरतील... रंग ओले

मोहरतील... गंध सारे

हळूच येतील सरसरणारे शिरवे...

सरींचा घुंगुरवाळा रुणझुणेल गं...

येईल ग सखे श्रावण... येईल गं...

सोडण्या ढगांचे मौन...

चिंब फुलेल उद्याची पहाट...

भिजलेल्या पंखांचे होईल सुरेल गाणे...

आता सांभाळील श्रावण

आषाढाचे हे देणे...

अवनीवर फुलेल चैतन्याचे लेणे...

येईल ग सखे श्रावण... येईल गं...

सोडण्या ढगांचे मौन...

येईल ग सखे श्रावण... येईल गं...