विविधरंगी स्वरूप

प्रेम नसावंच फक्त

तिच्यात आणि त्याच्यात

प्रीत होते दृगोच्चर

वेगवेगळ्या नात्यात

मातापित्यांची ममता

माया भावा-बहिणीची

विशुद्ध भाव ठरवी

खरी कसोटी मैत्रीची

निसर्गाचे संरक्षण़

दया मुक्या प्राण्यांवर

जिव्हाळ्याचे दुजे नाव

लोभ चराचरावर

कधी जपावे मनास

जीव जडो स्वतःवर

लळा असावा शब्दांचा

साह्य व्यक्त होण्यावर

निरपेक्ष, समर्पित

दिव्य, उदात्त भावना

एकतर्फी प्रेमापायी

करू नये विटंबना

विविधरंगी स्वरूप

कितीक नावे तयाची

प्रत्येकास भुलविते

अशी महती प्रेमाची