विद्याधन

विद्या आहे जया पाशी

तोची ठरतो महान

करा विद्या संपादन 

मिळे तयाशी सन्मान

विद्याहीन माणसास

पशु सम देती मान

जाणा महत्त्व विद्येचे

जगी होण्यास महान

सर्व धनात ते श्रेष्ठ 

भय चोरीचे न असे 

देता धन दुस-यास

वृद्धी तयात होतसे

होते पूजन राजाचे

त्याच्या फक्त दरबारी

मान तो विद्याधनास

मिळे जगात तो भारी

हेच धन मित्रा सम

गेलो परदेशी जरी

विद्याधन मदतीस

येते हेच खरोखरी

विद्याधन सर्वोकृष्ट

जगतात गाजावाजा

थोर ज्ञानी ज्ञानेश्वर

मान ज्ञानियाचा राजा