उतराई
उतराई
1 min
64
बहिणीच्या मायेची मी
कशी करू उतराई
तीच माझा भाऊ झाली
अन् तीच माझी आई
माझ्यासाठी बहिणीने
केले रे काबाडकष्ट
लागू नये नात्यांस या
कधी कोणाची रे दृष्ट
शिक्षणास माझ्या तेव्हा
होता तिचाच आधार
माझ्या आयुष्याला गड्या
दिला तिनेच आकार
बंध रेशमाचे जुने
आहे टिकून तसेच
माझ्या डोईवर तिचे
छत्र राहावे असेच
सण आला रे राखीचा
तिला भेटण्याची घाई
बहिणीच्या मायेची मी
कशी करू उतराई