सय माहेरची येता...
सय माहेरची येता...
सय माहेरची येता...
मन पाखरू हे झालं
क्षणभर माहेराला
बाई फिरुनी ग आलं
____________________
बाप कष्टाळू तो माझा.
उभ्या घराचा ग खांब....
पाहे कौतूक सोहळा.
उभा राहुनिया लांब...
____::__:::___________
आई माऊली ती भोळी.
माझी वेणी बांधताना...
खुले साजरे तें रूप.
खानावळ रांधताना..
____________________
ओसरीत ऊभा दिसे.
भाऊराया तो धाकटा...
आले नांदायाला बाई.
त्याला सोडूनी एकटा...
____________________
बाई बहिणीच्या खोड्या.
नित्य आठवती मला....
तिच्या सुख दुःखाकडे.
जीव माझा हा लागला..
____________________
आज्जी माझी ती मायाळू.
खाटेवरी ग बसूनी...
गोष्टी ऐकावल्या मला .
तीने हसूनी खेळूनी .....
___________________
झोके आमराईतले.
जेव्हा भीडे गगनाला...
काय सांगू बाई किती
होई आनंद मनाला...
___________________
सय माहेरची येता.
मन पाखरू हें झालं...
माहेरची सारी बात.
संगे घेऊनीया आलं ...
____________________