स्वप्नबंध

अशीच यावी वेळ कधीतरी 

 स्वप्न बंधनात मी अडकावे 

 जवळी मज घेऊन सख्या तू 

 प्रेमा वर्षावात मला भिजवावे....

 असावा एकांत आजूबाजूला 

 शांत वेळ आपल्याला मिळावी 

 सदाचीच घाई तुझी असते 

 माझी चांदणं रात तू सजवावी...

 होता लाजून चूर चूर मी सख्या 

 संकोचाचा अंमल राहतो या मनावर 

 तनू देखील थरथर कापते माझी 

 लज्जेची दाट छाया येते मुखावर...

 बोलावे वाटते सख्या काहीतरी 

 ओठ ओठांनी बंद केलेस साजणा 

 एकांताच्या या मिलन क्षणाला 

 हळुवार मला बाहू पाशात घे ना...