स्वामी गणराया
स्वामी गणराया
1 min
180
स्वामी गणराया | आहे सुख कर्ता |
तूच दुःख हर्ता | सकळांचे ||१||
शंकर तनया | पार्वतीच्या मुला |
लाडू प्रिय तुला | मोदकाचे ||२||
प्रथम पुजेचा | मानकरी आहे |
दुर्वांकुर पाहे | आवडीने ||३||
शोभे गणराया | मूषक वाहन |
कृपाळू नयन | भक्तांसाठी ||४||
ओंकार स्वरुपा | बुद्धीची देवता |
विश्वास ठेवता | बळ मिळे ||५||
विघ्न विनाशका | स्वामी एकदंत |
कोरोनाचा अंत | शीघ्र कर ||६||
करतो विनंती | दास गोवर्धन |
कर संवर्धन | दुःखितांचे ||७||