सुरक्षिततेसाठी हत्यार
सुरक्षिततेसाठी हत्यार
आई तुला बनवायचे तर मला निडर का नाही बनवलं
नाहीतर मला तुझ्या उदरातच मारून का नाही टाकलं
एवढे मला तळहाताच्या फोडाप्रमाणे तू जपलं
शिकून-सवरून मला एवढं डॉक्टर तू बनवलं
मग सुरक्षितेसाठी तू मला एखादं हत्यार का नाही दिलं
शेतात काम करून घाम गाळून-गाळून मला शिकवलं
एवढे शिकून-सवरून मला प्राध्यापिका तू बनवलं
सुरक्षेसाठी माझ्या मला एखादं हत्यार का नाही दिलं
लाड पुरवून तळहाताच्या फोडाप्रमाणे मला तू जपलं
खूप - खूप ज्ञान शिकवून मला सिस्टर तू बनवलं
मग माझ्या सुरक्षेसाठी एखादं हत्यार का नाही मला दिलं
मजुरी करून करून मला तू शाळेत आई पाठवलं
शिकून - सवरून मोठे बनावं यासाठी तू शिकवलं
मग तू मला एखादं सुरक्षिततेसाठी हत्यार का नाही दिलं