सोनकळी....

सोनपावली अलगद उमलली जीवनी सोनकळी

नयन निरागस बोलके हसता गाली गोड खळी

   पितृत्वाची जाण तू माझ्या जाणीव जबाबदारीची

   तव मऊ कोमल स्पर्शाने मनी जागल्या पितृभावनेची

तुझे गोंडस खट्याळ चाळे कसे लाडके विसरेन मी

एक-एक आठवण तुझी बालरूपातील आठवेन मी

   बोबड्या बोलाची तू निरागस गोंडस कळी

   लावण्याचे अनुपम असे तेज तुझे झळाळी

 तुझ्या कोवळ्या पदस्पर्शाने माझी जीवनबागच फुलली

तुझ्या खळाळून हसण्याने बंद कळीही खुलली