Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Ashwini Gunjal

Others

4.8  

Ashwini Gunjal

Others

शब्द

शब्द

1 min
525


शब्दांत मांडलेला हा शब्दांचाच खेळ

जीवनातील भावनांचा घातलेला मेळ

कुणाच्या शब्दांतून जाणवतो शब्दांचाच कल्लोळ

कुणाच्या मुखातून पडे शब्द ते निर्मळ

कधी शब्द काटेरी बनले क्षणात घाव जिव्हारी लागले

कधी शब्द जणू पाकात मुरले कडवेपणा गोड करून गेले


कधी गरजेवेळी शब्दही मुकी बनून जातात

गरज नसतांनाही शब्द वाईट गोष्टींचाच पाढा वाचतात

कौतुकाच्या क्षणी शब्दांनी स्तुतीसुमने उधळली

वाईट गोष्टींसाठी शब्दच न्यायाधीश बनली

कित्येक वेळी तर एकच शब्द माणुसकीला जागला

तर दुसर्‍या क्षणी शब्दाने सरड्याप्रमाणे रंग बदलला


जय भवानी जय शिवाजी शब्दांनी रायरेश्वर गरजले

राजेंच्या शब्दांखातर स्वराज्याचे पाऊल पुढे पडले

थोर मावळे बलिदान देऊन शब्दांना त्या जागले

श्रेष्ठ ठरले ते शब्द इतिहास घडवुन आले

आंधळ्याची मुलं आंधळी शब्द दुर्योधना लागले

एवढ्याशा त्या शब्दांनी महाभारत घडले


जरी कैकेयीचे शब्द होते गोड वचनबद्ध झालेले

रामाला चौदा वर्षे वनवासाला धाडलेले

आजही हिंदू मुस्लिमांमध्ये होते शब्दांची मारामारी

माणूसकीचे शब्द राहतात दूर बनतात एकमेकांचे वैरी

आई-वडील भाऊ-बहीण माळ नात्यांच्या शब्दांची गुंफली

रिती वाटली माळ त्यात भर अजून शब्दांची ओवली


प्रेमभराच्या शब्दांनी कित्येक नाती जुळली

माणुसकीच्या शब्दांनी माणसांतली माणुसकी टिकवली


Rate this content
Log in