साहित्य

        साहित्याच्या विविध त-हा

                  साज चढविती त्या भाषेला

                भाव अंतरीचे मना - मनातले

                  सहज उमटती लिखाणा ' ते

                  साहित्याच्या दोन धारा

                  गद्य अन पद्य अमाप पसारा

                  नाटक ,कादंबरी ,लघुकथा

                  कविता, वा विनोदी वात्रटिका

                  तयात भर करिती व्यंगचित्रे

                  साहित्याचे च दर्शन घडते .

                  कोणी रचिती काव्यखंडे

                  तर रेखाटती आत्म चरित्रे

                 योजित करिता साहित्य संमेलने

                  विविध वाङमय येती सामोरे

                  मासिक , पाक्षिक , दैनंदिने

                 असती  सर्वची ज्ञाना-र्जने.

ं

                  प्राकृत भाषेतील मायबोली

                  सुधा-रसापरि अभंग वाणी 

                 ओतप्रत भक्ति -रसांची

                   सदा विराजमान ओठावरती .

                    दास रामाचे मनाचे श्लोक

                  सोप्या भाषेत गीतेचाच बोध 

                  संस्काराची होतसे पूर्तता

                  साहित्याला लाभे समृघ्दता .

                  छंद , वृत्त , कोट्या ,समास

                  शृंगाराचा चढवी साज

                  वीर , करूणा , भय अन हास्य

                   असते सुंदर ललित वाङमय  

                असे नवरसांचे संपन्न साहित्य

                भाषेला करिते सदा समृध्द

                  साहित्याच्या असती विविध त-हा

                  साज चढविती त्या भाषेला