रणरागिणी येसूबाई

त्रिवार वंदन करूनी

गाथा तिची मी मांडली

वीरांगना ही स्वराज्यासाठी

तीस वर्षे ओलीस राहिली //

जिवंत असूनही पती

विधवेची सोंगे काढली

पती निधनानंतर सोडून

दुःखे आभाळाएवढी झाली//

पुत्रप्रेम मागे सारून

स्वराज्यनिष्ठा तिने जपली

बसवून राजारामास गादी

कर्तव्यनिष्ठा ही राखली //

पडता वेढा रायगडी सर्वांना

स्वराज्यासाठी बाहेर काढली

राहूनी रायगडी शत्रूशी

मायलेकरं आठ महिने लढली

अशी ही रणरागिणी स्त्री

असूनही औरंगजेबशी भिडली

सलाम तिच्या सहनशीलतेला

पुन्हा ना या माती घडली. //