रायगड

रे हिंद बांधवा ऐक कान देऊन

करी रायगड हा राजांचे गुणगान

पाऊले त्यांची पडता डोईवरती

पावन मी झालो म्हणतो धन्य धन्य

कित्येक गुप्त मसलती मी पाही

कित्येक सोहळे या देहावरी होई

कित्येक पेच अन धक्के राजकारणाचे

साक्षीदार हा उभा रायगड होई

स्वाभिमान जो जागवे सर्वा हृदयी 

ध्येयवाद जो रुजवी वाऱ्याकरवी

स्वधर्म बंधुता मिसळे या मातीत

कणाकणातच महाराष्ट्र धर्म जागवी

शूर धीर गंभीर उदार अन चतूर

ऐसा जाणता नृपवर मी पाही

काळचं जो कर्तृत्वाने बदलवी 

ऐसा युगप्रवर्तक पुन्हा होणे नाही

सांगणे पुन्हा पुन्हा आता ते काय! 

जाणते आहातच तुम्ही सर्व जण

जाऊ दे अंबरी त्यांच्या किर्तीचा ध्वज

अन् सांभाळा तुम्ही हो.. भगव्याचा हा मान