पाऊस

अवखळ अल्लड कधी बागडत पाउस येतो

रिमझिम रिमझिम सप्त सुरांनी गाणे गातो

मना हवासा कधी येउनी धुंदच करतो

रिपरिप येता नकोनकोसा मनास करतो

सिहंगर्जने सह येऊनी तो कोसळतो

कधी प्रपाता सम येऊनी भिती दावतो

संततधारच पडता खाली धरणे भरतो

श्रावणात मग लपाछपीचा खेळच करतो

आभाळाला इंद्रधनूने कधी सजवतो

धरणीलाही मृदगंधाने तोच भुलवितो

नटण्या सजण्या अवनीलाही रंगच देतो

जीवन देण्या धरतीसाठी वरतुन येतो