प्रिय डिसेंबर

प्रिय डिसेंबर सज्ज जाहला 

नवीन वर्षा तुझ्या स्वागता 

आठवांचे मग विणतो जाळे 

सुख दुःखाची वीण उसवता 

महामारीचे सावट विसरून 

ऋणानुंबंधाचे क्षण वेचतो 

सुखाचा परिमळ पसरून

मनी आशेचे दीप उजळतो 

प्रिय डिसेंबरची थंडी गुलाबी 

शेकोटीची अलवार उब घेवून 

चमके दवबिंदूचे सुंदर मोती 

ओढून धुक्यांचं श्वेत पांघरून 

नाताळ सणाची मज्जा भारी 

गिरिजाघरावर सजे दीपमाळा 

शुभेच्छा भेटवस्तूची रंगत न्यारी 

थंडी वाढली आता जरा सांभाळा 

आठवण होता मग गतकाळाची 

डिसेंबर उभा देण्यास आलिंगन 

सुख समृद्धीचा लेवून सुंदर शेला 

नवीन वर्षाचे करू अभिवादन