पाणी

झाडे तोडून केले

सारे जंगल खलास

साऱ्या विहिरीचे गेले

पाणी खोल तळास।।

काव काव करत

उडतो मी आकाशात

पाणी कुठे बरे मिळेल

शोधतो मी नकाशात।।

नदी,तलाव सारेच

कसे काय आटले

पाण्यावाचून पहा

माझे प्राण हे दाटले।।

आता माठ ही पहा

झाले सगळे कमी

माठात मिळेल पाणी

याची नाहीच हमी।।

पाऊस ही आता

कमीच तर पडतो

पाण्यासाठी जो तो

आज येथे रडतो।।

पाण्यावाचुन कित्येक

कावळे बिचारे मेले

भाताला शिवणारे

कावळे कुठे हो गेले।।