न्हाला दवात गारवा

सोनसळी किरणांनी

न्हाला दवात गारवा

आला रवी गगनात

रंग सृष्टी चा हिरवा

दवबिंदु पानातुनी

दिसे मोतियांची माळ

भासे विखुरले मोती

न्हाली दवात सकाळ

वाटे नभीचे चांदणे

वेलीवरी विसावले

कळ्या हासती फुलूनी  

दव क्षणात विरले

शुभ्र पांढरी तलम

शाल पांघरुनी धरा

येता रवीने सकाळी

दूर केली क्षणभरा

बिंदू भासे ते दवांचे

घ्यावे तया उचलूनी

मनी करिता विचार

ओधळती पानातूनी

थंड झुळूक वा-याची

उठे अंगास शहारा

थाट मस्त निसर्गाचा

वाटे पहावा नजारा