नाव

एक नाव इथे अजुनही तरंगतेय

का? सापडला नाही तिला तिचा किनारा !

किनाऱ्यावर तुझे नाव कितीदा गिरवले

समुद्राने लाटांचे हात त्यावर फिरवले !

बाकी सगळे घेऊन तुझ्यासवे आले

तरी नाव माझे आणायचे राहूनच गेले !

गाठ बांधली तिथे साता जन्माची

इथे नाव नात्यास खरे कोणते द्यावे ?

ही दुनिया म्हणे आहे रंगमंच वेगळा

इथे ठेवली नावे माझी वेगळी वेगळी !

जुळवूनी अक्षरे रचल्या चार ओळी

कवितेस नाव शेवटी द्यायचे राहिले !