महाराष्ट्र माझा

 सह्याद्रीच्या कडेकपारीतून

 नाद गर्जतो , दुमदुमतो .

 बोला जय महाराष्ट्र जय ,

 घोष कानी हा घुमतो .

 मराठमोळी भाषा सुंदर ,

 लावण्य तीचे हे बहुमोल .

 लावणीचा ठसका भारी ,

 जरीपटका शिरी अनमोल .

 शाहू राजा थोर राजा ,

 शोभला रयतेचा वाली .

 छत्रपती शिवरायांनी याला ,

 केला रयतेच्या हवाली .

 संस्काराचे बीज रुजते ,

 नसानसातून इथे वाहते .

 संस्कृतीही फुलत जाते ,

 लहानथोरांमध्ये ही वसते .

 महाराष्ट्र माझा , बोल अधरी ,

 सतत गाती स्तूतीसुमने .

 थकती न कधी , कोणी येथे ,

 गाया तव थोर कवने .