मायबाप

मायबाप देवा सम किती वर्णावी महती किती कष्ट साहुनिया केले महान जगती     1

सदा चिंता लेकरांची मनी एकची तो ध्यास होवो मुले यशवंत हीच असे मनी आस    2

खत पाणी संस्काराचे देऊनिया केले मोठे घडविले भवितव्य कोठे न पडण्या खोटे     3

सारुनिया हौस मौज सदा घडविण्या दक्ष पुरविले हट्ट लाडगुणी बाळाकडे लक्ष       4

किती ऋण मजवरी कधी न व्हावा विसर फेडण्यास त्यांचे ऋण घडो सेवा निरंतर         5

नको करु कोणा देवा जगताती निराधार नसे मायबाप त्यांचा तूची असशी आधार     6

जया संगे मायबाप तेची खरे भाग्यवान गेल्या जन्माची पुण्याई होवो सारे पुण्यवान      7