माझी झोपडी

माझी गरीबाची झोपडी 

माझी रे गरीबाची गोधडी 

सुख देते महालाहुनी भारी 

झोप लागे छान सुखापरी 

नाही चिंता धनदौलतीची 

नको हाव मनी श्रीमंतीची 

माझी गरीबाची झोपडी 

माझी रे गरीबाची गोधडी  

समाधान लाभे आमुच्या पदरी 

कष्टाने उदर भरतो आम्ही भारी 

नको दुनियेची आम्हाला कटकट 

नको फुकटची श्रीमंती झटपट 

भाकर बरी आम्हाला कष्टाची 

चिंता नको आम्हाला दुनियेची 

माझी गरीबाची झोपडी 

माझी रे गरीबाची गोधडी  

नको रे कर्जा पायी खोटी प्रतिष्ठा 

खरे जीवन जगण्याची आमची निष्ठा 

साधेपणाने मिळते खरे सुख 

मिळतो आनंद पळते दुःख 

नको चोचले फुकट इंद्रियाचे 

नको व्यसन गरीबांस विकतचे 

माझी गरीबाची झोपडी 

माझी रे गरीबाची गोधडी  

जाऊ नको रे तू वाया 

कष्टाने झिझव तुझी काया 

हिंमत येईल तुमच्या अंगात 

स्वाभिमान वाढेल तुमच्या रक्तात 

ताठ मानेने जगात जगशील 

आनंद जीवनाचा तू घेशील 

माझी गरीबाची झोपडी 

माझी गरीबाची गोधडी