माझा शिवाजी राजा
माझा शिवाजी राजा
चंदन गंधी पहाट शिवाजी
सूर्योदयाची वाट शिवाजी
सृष्टीचा या थाट शिवाजी
सह्याद्रीचा घाट शिवाजी
शिवसागराची लाट शिवाजी
भव्यदिव्य विराट शिवाजी
अपूर्व अन् अफाट शिवाजी
ताठ मानेचा अभिमान शिवाजी
धमन्यात उसळणारा स्वाभिमान शिवाजी
विधी आणि विधान शिवाजी
या मातीचा सन्मान शिवाजी
इथली धरती अस्मान शिवाजी
शौर्याचे गुणगान शिवाजी
अमुचा जीव अन् प्राण शिवाजी
अवघा हिंदूस्थान शिवाजी
जगण्याची अमुच्या रीत शिवाजी
एकच आमुची प्रीत शिवाजी
श्वासलयींचेे संगीत शिवाजी
देशधर्माचे हित शिवाजी
प्राणपणाची जीत
शिवाजी
डोळ्यांत या सदोदित शिवाजी
या काळजात टवटवीत
शिवाजी
या संस्कृतीचे संचित शिवाजी
तुझा न् माझा श्वास शिवाजी
या विश्वाचा विश्वास शिवाजी
धैर्याचा अनुप्रास शिवाजी
ध्यान शिवाजी ध्यास शिवाजी
गनिमांसाठी त्रास शिवाजी
भुकेल्या ओठी दे घास शिवाजी
उन्नती न् विकास शिवाजी
मनात माझ्या खास शिवाजी
शायिस्ताची बोटे छाटून
लावी रक्ताची धार शिवाजी
अफजलाचा काढी कोथळा
वाघनख्यांचा वार शिवाजी
राज राय प्रताप पुरंदर
गडकिल्ल्यांची बहार शिवाजी
औरंगजेबा पाजून पाणी
आग्र्यातूनही पसार शिवाजी..
मुघलांच्या राकट छातीतून
आरपार तलवार शिवाजी
गोरगरीबा छळणाऱ्या
खल दुष्टांचा संहार शिवाजी
समतेचा विचार शिवाजी
दुबळ्यांचा आधार शिवाजी
माणूसपण जो विझू न देई
मानवतेचा अंगार शिवाजी..
या मातीचा टीळा आभाळी
गोंदण्याचा अधिकार शिवाजी
जगणे लढणे पेरून गेला
स्वातंत्र्याचा संस्कार शिवाजी
स्वराज्याचा सुसंस्कार शिवाजी!