माझा महाराष्ट्र

हिंदू राष्ट्राचे जनक

झाले शिवाजी महान |

केला उभा महाराष्ट्र

याची वाढवून शान ||१||

संत तुकोबा ज्ञानोबा

एकनाथ नामदेवा |

संत राज्यात जन्मले

ज्ञानी मुल्यवान ठेवा ||२||

महालक्ष्मी, मुंबादेवी

यांचा तुला वरदान |

सिध्दी विनायक आणि 

साईंबाबा भगवान ||३||

लेणी एलोरा अजंता

एलीफंटा अभिमान |

जैन, हिंदु आणि बौद्ध 

तिन्ही धर्माचे हे स्थान ||४||

फुले टिळक जन्मले

इथे आगरकर लाल |

त्यांनी स्वातंत्र्यकरिता

फार सोसले हो हाल ||५||

भिमा कृष्णा गोदावरी

वैनगंगा नदी धारा |

आणि वनसमृध्दीने 

राज्य नटलेला सारा ||६||

माझा महाराष्ट्र आहे

सर्व राज्यात महान |

चला गाऊया हर्षाने

त्याचे आम्ही गुणगान ||७||