लहानपण देगा देवा

वाटे रहावे सदा लहान

रम्य असते बालपण

इकडून तिकडे बागडावे

चिंतेची सदा बोळवण

खेळ खेळा दिनभराते

सारे मिळेची हातात

लाड होई येता जाता

नसे काळजी मनात

बालपण काळ सुखाचा

काळजी चिंता मोठ्यांना

लहान मात्र खेळण्यात मग्न

नसे कल्पना लहानांना

जशी पाखरे विहरती

न दिसे चिंता कशाची जया

तसे सदा विहरे बालक

नसे तमा कधी उद्याची तया

उगा घेतले भरपूर आशीष

मिळवण्या हे मोठेपण

दिनरात्र छळे जवाबदारी

वाटे, दे ना देवा परत बालपण.

......................

बालपण

मन निर्मल

रुप सोज्वळ

बालक देते

मत प्रांजल

लहानपण

नसे मी पण

सदाची वाटे

मोठे आपण

डाव खेळिता

मस्ती करिता

बाल मनात

नसेची चिंता

खेळ खेळता

जरा लागता

धावत येई

माय ममता

काळ सुखाचा

बालपणाचा

रम्यची भासे

तो आनंदाचा

रम्यची क्षण

ते विलक्षण

आठव येता

आनंदे मन

आईचा घास

तिचाच खास

आठव येता

मन उदास

दे ना रे देवा

करीन सेवा

आठवणींचा

देईन मेवा