लावणी

आवड मला सजना शृंगाराची

शिवा की चोळी कटकीच्या खणाची

आणा मला हातभरून हिरवा चुडा

मग लावील प्रित तुमच्या जीवा

पाहून रूप सावळे होई घालमेल मनाची

आवड मला सजना सोळा शृंगाराची।।1।।

नेसीन चंद्रकळा तुमच्या आवडीची

त्यावर घालीन माळ मोत्याची

 फुलवू बाग पिरतीची

अहो सजना आवड मला सोळा शृंगाराची ।2।।

नाकी नथ घालीन पुणेशाही

पायात पैंजण घालीन कोल्हापूरी

केसात वेणी माळीन शेवंतीची

अन करीन मग हौस पूरी संसाराची

अहो सजना आवड मला शृंगाराची।।3।।

नको मला शेती राजवाडा

असू दया फक्त प्रेमाचा वेढा

आस फक्त तुमच्या संगतीची 

करा हौस पुरी सुवासिनीची

अहो सजना गरज मला तुमच्या संगतीची

अहो सजना आवड मला शृंगाराची।।4।।